25 кастрычніка свой 80-гадовы юбілей адзначыла самая старэйшая салістка народнага фальклорнага гурта “Бабіна лета” Аранчыцкага сельскага Дома фальклору Ядвіга Мікалаеўна Каляда.

Яна нарадзілася 25 кастрычніка 1937 года ў в. Обеч Пружанскага раёна. Дзяцінства было хоць і цяжкае, але вясёлае. Сям’я юбіляра была вялікая: пяцёра сясцёр і брат. I ўсе, нягледзячы на штодзённую цяжкую працу, любілі спяваць.

Калі скончыла сямігодку, Ядвіга паехала працаваць у г. Куйбышаў на будоўлю. Праз тры з паловай гады вярнулася на радзіму. Некаторы час працавала рознарабочай на нафтабазе, а ў 1968 годзе ўладкавалася ў КБА вязальшчыцай. Працавала шмат, але заўсёды з песняй. Асабліва Ядвіга Каляда любіла спяваць прыпеўкі і выконвала іх на вяселлях, канцэртах, конкурсах.

У 1994 годзе пачала спявацьу народным фальклорным гурце «Бабіна лета» і па сённяшні дзень радуе нас сваёй творчасцю. Ядвіга Мікалаеўна не толькі спявачка, яна яшчэ выдатная юмарыстка і сваімі сольныміжартоўнымі нумарамі заўсёды «заводзіць» гледачоў.

«Самадзейная артыстка» з канцэртамі аб’ездзіла ўвесь раён, прымала ўдзел у раённых, абласных, рэспубліканскіх і нават міжна- родных аглядах-конкурсах, аб чым сведчаць шматлікія ганаровыя граматы.

Яезычны,алеўтой жачас мілагучны голас з асаблівым тэмбрам не зблытаеш ні з якім-небудзь іншым у раёне. Яе энергіі, ініцыятыўнасці, аптымізму і любовіда жыцця і людзей можна падобраму пазайздросціць і павучыцца. Яе ўменне ствараць вакол сябе атмасферу свята, прыгажосці, радасці — аўтарскі стыль жыцця. Такая яна ўся — сапраўдная, шчырая, энергічная, непрадказальная і вельмі ўлюбёная ў народныя песні, жарты, прыпеўкі і танцы.

Паважаная Ядвіга Мікалаеўна, жадаем Вам моцнага здароўя, шчасця, аптымізму, новых творчых поспехаў. Жывіце ў шчасці, радасці і дастатку. Хай самабытная беларуская песня і гумар надалей дапамагае Вам годна ісці па жыцці.

Вольга ШЭПЕЛЬ, дырэктар ДУК «Пружанская раённая цэнтралізаваная клубная сістэма» ад імя культработнікаў раёна.