“Уладар сяла”

У аграгарадку Кабылаўка ў суботу, 4 чэрвеня, пяць маладых сем’яў, якія пражываюць на тэрыторыях сельсаветаў раёна, змагаліся за званне «Уладар сяла».

На стадыёне раскінуліся падвор’і сем’яў Ігнацьевых, Кобакаў, Люкевічаў, Зуйкевічаў і Ліцкевічаў. Не паўтараліся паміж сабой ні адно. Гэта былі свае маленькія ўтульныя візітоўкі, арыгінальна аформленыя.

Маладыя сем’і праявілі сябе ў самых разнастайных конкурсах, паказалі кулінарныя, гаспадарчыя, творчыя і спартыўныя здольнасці, а таксама праявілі спрыт і кемлівасць.

У выніку ўпартай барацьбы першае месца дасталося сям’і Кобакаў (Мокраўскі сельсавет), другое здолела заваяваць сям’я Люкевічаў (Ліноўскі сельсавет), а трэцяе дасталося сям’і Зуйкевічаў (Ружанскі сельсавет).