Свята вёскі Варотнае
У вёсцы жыць – зямлю любіць.
У суботу 15.08.2015 у вёсцы Варотнае адбылося свята працы, сяброўства і кахання – свята роднай вёскі.
Родная вёска – гэта тое ядро, тая аснова з якой пачынаецца першы крок у вялікае жыццё, першае слова, якое прыйшло ад маці, першая ўсмешка, якая сагравае не тоькі цябе. Вёска – гэта незабыўная казака, куды хочацца вяртацца зноў і зноў. Але такое яно наша жыццё: людзі як птушкі. Кожны чалавек рана ці позна пакідае сваё гняздо. Галоўнае, каб пакідаючы яго, кожны з нас помніў свае вытокі і каб нават у самыя цяжкія хвіліны жыцця гэты ўспамін вяртаў вас у бацькоўскі дом, родныя мясціны. І калі вам захацелася душой і сэрцам адчуць подых дзяцінства, прайсці шляхам свайго юнацтва, апынуцца каля рачулкі сваёй маладосці – лічыце, што вы самы шчаслівы чалавек, таму што вам заўсёды ёсць куды вярнуцца.
Зараз у в. Варотнае усяго 32 двары, 68 жыхароў, з іх дзеці да 18 год – 22, працаздольных – 26, пенсіянераў – 20.
Усім жыхарам вёскі жадаем моцнага здароўя, доўгіх гадоў жыцця, хлеба ўволю, каб ён заўсёды ганарова ўзвышауся на вашым стале.
Хай прэч ідуць хваробы і трывогі,
Мы Бога просім, каб ён вас бярог,
І каб заўсёды нас прыводзілі дарогі
На родны і знаёмы наш парог.