Лепшыя медсёстры жывуць у Лінова

Залатыя рукі медсясцёр

 У Пружанскай ЦРБ прайшоў конкурс прафесійнага майстэрства. Мерапрыемства было прымеркавана да Міжнароднага дня медыцынскай сястры, якое грамадства адзначала напярэдадні.

Хочацца адзначыць, што ў сучаснай медыцыне сястрынская справа з’яўляецца яе важнай складаемай часткай. Што датычыцца канкрэтна Пружанскай раённай сістэмы аховы здароўя, то сёння ў ёй працуюць 465 спецыялістаў з сярэдняй медадукацыяй, з іх 83% маюць кваліфікацыйныя катэгорыі. Гэты дастаткова высокі ўзровень іх прафесійнай падрыхтоўкі дазваляе забяспечыць належны догляд пацыентаў, выкананне абавязкаў на ўзроўні, які адпавядае патрабаванням сусветнай і айчыннай медыцыны.

Хто з нашых медсясцёр заслугоўвае асаблівага прызнання за сваю нялёгкую справу, вызначыў конкурс «Лепшы па прафесіі». Для канкурсантак падрыхтавалі чатыры заданні, з дапамогай якіх раскрываліся не толькі іх прафесійныя якасці. Першае — візітоўка, у якім удзельніцам трэба было расказаць пра сябе, калектыў і сваё бачаннеабранай прафесіі. Падчас іншых заданняў правяраліся як веды, так і практычныя навыкі медсёстраў. Удзельніцам нават давялося праявіць свае кулінарныя здольнасці: пад рыхтаваныя дома стравы павінны былі адпавядаць патрабаванням здаровагахарчавання.

У выніку ўпартай барацьбы лепшай аказалася медсястра хірургічнага аддзялення Пружанскай ЦРБ Кацярына Туньчык. Другое месца заваявала яе калега з таго ж аддзялення Кацярына Бурдук. Лепшы па прафесіі, Ганна Куксюк медсястра Ліноўскай амбулаторыі ўрача агульнай практыкі, стала трэцяй. Пераможцы атрымалі дыпломы і грашовыя выплаты, а памятныя сувеніры ад прафсаюзнай арганізацыі усе ўдзельнікі конкурсу.

Таісія БАРЫЛКА, старшыня пярвічнай прафсаюзнай арганізацыі Пружанскай ЦРБ.

Больш фота на сайце газеты “Раённыя будні”