У госці да нас завітаў фальклорны калектыв “Цаглінкі” са старога Ляўкова (Польша)

22 чэрвеня 2013 года на сцэне Ліноўскага дома культуры адбылося выступленне фольклорнага калектыву “Цаглінкі” са старога Ляўкова гміны Нараўка РП. Да нас яны завіталі каб сустрэцца з народны фальклорным калектывам Аранчыцкага дому фальклору «Бабіна лета».

Аматарскі фальклорны калектыў “Цаглінкі” быў заснаваны ў 1976 годзе пры тадышнім прадпрыемстве будаўнічаій керамікі ў Старым Ляўкове.

У ім спяваюць рабочыя і служачыя прадпрыемства, настаўнікі, медыцынскія работнікі, пенсіянеры. Іх рэпертуар адлюстроўвае дух культурнай разнастайнасці Падляшскага ваяводства, якога ўсходнюю частку засяляюць беларусы. Па гэтай прычыне ў рэпертуары пераважаюць беларускія народныя песні.

Калектыў выконвае таксама песні на польскай, рускай і ўкраінскай мовах. У калектыве займаліся дзесяткі людзей, надзеленых добрым, натуральным голасам. У цяперашні час у “Цаглінках” спявае 24 аматараў народнай песні пад кіраўніцтвам Мікалая Мяжэннага – в вядомага музыканта, акардэаніста, вялікага аматара народнага мастацтва. “Цаглінкі” даюць у сярэднім на 25-30 канцэртаў у год. За перыяд свайго існавання далі яны каля 700 канцэртаў.

Калектыў прымае ўдзел у шматлікіх майстар-класах, конкурсах, фестывалях, фэстах, дажынках, аглядах калядоўшчыкаў. Шмат разоў прадстаўляў Падляшскае ваяводства на айчынных фестывалях, у тым ліку ў Быдгашчы, Скярневіцах, Ожышы. За сваё майстэрства стараляўкоўскія спевакі атрымаілі шэраг узнагарод, дыпломаў, кубкаў, ганаровых грамат. Напрыклад, у 2002 годзе “Цагліна” заваявалі Гран-пры і кубак “Сеніярады” ў Беластоку; у 2004 годзе атрымал дыплом міністра культуры Польшчы; у 2010 годзе занялі першае месца ў агульльнапольскім фестывалі ў Быдгашчы; у 2011 годзе былі ўзнагароджаны калектыўным знакам “За заслугі перад польскай культурай” і медалём “За заслугі для Гайнаўскага павета”, а ў 2012 годзе атрымалі Гран-пры XV Агульнапольскага артыстычнага агляду руху сеніёраў АРС-2012 у Быдгашчы.

“Цаглінкі” актыўна супрацоўнічаюць з фалькльклорнымі калектывамі ў Польшчы і за мяжой – на Украіне, у Літве і Беларусі. Вельмі плённа складаецца супрацоўніцтва з беларускімі калектывамі з Мінска, Гродна, Пружан, Свіслачы, Пінска, Брэста, Залесся, Смаргоні і іншых гарадоў. Калектыў “Цаглінкі” заваяваў публіку як у Польшчы, так і ў Беларусі.

Багаты, прыгожы рэпертуар, віртуознасць і харызма прыцягваюць шматлікіх паклоннікаў і не пакідаюць нікога абыякавым. Фальклор, які культывуецца калектывам у краіне і за мяжой, з’яўляецца каштоўным і арыгінальным падарункам для цяперашняй публікі і будучых пакаленняў.